தூக்கமாத்திரை தின்று நடிகை சுஜிபாலா தற்கொலை முயற்சி...!

avatar
நடிகை சுஜிபாலா அளவுக்கு அதிகமான தூக்கமாத்திரைகளை தின்று தற்கொலை முயற்சி மேற்கொண்டுள்ளார். தற்போது அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். கோரிப்பாளையம், முத்துக்கு முத்தாக உள்ளிட்ட படங்களில் நடித்தவர் நடிகை சுஜிபாலா. நிறைய படங்களில் ஒரு பட பாடலுக்கு குத்தாட்டமும் போட்டுள்ளார்.

தற்போது உண்மை என்ற படத்தில் கதாநாயகியாக நடித்து வருகிறார். இப்படத்தை ரவிக்குமார் என்பவர் இயக்குவதுடன் தானே கதாநாயகனாகவும் நடித்து வருகிறார். இந்நிலையில் சுஜிபாலா மீது ரவிக்குமாருக்கு காதல் ஏற்பட்டு திருமணமும் செய்ய ஆசைப்பட்டார். இதுதொடர்பாக சுஜிபாலா வீட்டிலும் பேசியுள்ளார் ரவிக்குமார். அவர்களும் திருமணத்திற்கு சம்மதிக்க, சமீபத்தில் ரவிக்குமாருக்கும், சுஜிபாலாவுக்கும் திருமண நிச்சயதார்த்தமும் நடந்தது.

விரைவில் திருமணம் நடைபெற இருந்தநிலையில் நடிகை சுஜிபாலா அளவுக்கு அதிமான தூக்க மாத்திரைகளை உட்கொண்டு தற்கொலை செய்து கொள்ள முயற்சி செய்துள்ளார். ஆனால் அவர‌ை உடனடியாக அவரது குடும்பத்தார் மருத்துவமனையில் அனுமதித்துவிட்டனர். தற்போது அபாய கட்டத்தை தாண்டிவிட்ட சுஜிபாலா விரைவில் மருத்துவமனையில் இருந்து வீடு திரும்ப உள்ளார்.

இதனிடையே சுஜிபாலாவுக்கு திருமணத்தில் விருப்பம் இல்லை என்றும், பெற்றோரின் வற்புறுத்தலின் பேரிலேயே இந்த திருமணத்திற்கு அவர் சம்மதித்தாகவும், அதனால் தான் அவர் தற்கொலை முயற்சி மேற்கொண்டுள்ளார் என்றும் கூறப்படுகிறது.


_________________
Eyestube | Publish Yourself
EyesTube | SPONSORED CONTENTS
avatar
சென்னை: நான் தற்கொலைக்கு முயற்சி செய்யவில்லை. தலைவலிக்காக மருத்துவமனைக்குப் போனதை, தற்கொலை முயற்சி என்று சொல்லிவிட்டார்கள் தடாலடியாகக் கூறியுள்ளார் நடிகை சுஜிபாலா.

அய்யாவழி, சந்திரமுகி உள்ளிட்ட சுஜிபாலா, நேற்று அளவுக்கதிகமாக தூக்கமாத்திரைகள் சாப்பிட்டதாகக் கூறி நாகர்கோயிலில் உள்ள மருத்துவமனையில் சேர்க்கப்பட்டார்.
நாகர்கோவில் வைத்தியநாதபுரத்தை சேர்ந்த இவர் 'உண்மை' படத்தில் நடித்து வருகிறார்.

இப்படத்தை இயக்கி நடிக்கும் ரவிக்குமாருக்கும் சுஜிபாலாவுக்கும் கடந்த ஜுலை 5-ந்தேதி குமரி மாவட்டம் ஈத்தாமொழியில் வைத்து திருமண நிச்சயதார்த்தம் நடைபெற்றது. திருமணத்தில் பிரச்சினை என்பதால்தான் சுஜிபாலா தற்கொலை முயற்சியில் ஈடுபட்டதாகக் கூறப்பட்டது.

ஆனால் இதனை மறுத்த சுஜிபாலா நிருபர்களிடம் கூறியதாவது:
நான் தற்கொலை செய்ய முயலவில்லை. தலைவலி மற்றும் காய்ச்சலாக இருந்ததால் எனது தாயாரிடம் மாத்திரை கேட்டேன். அவர் நீயே எடுத்துக்கொள் என கூறிவிட்டார். நான் மாத்திரை தெரியாமல் பவர் கூடிய 2 மாத்திரைகளை தின்றுவிட்டேன். இதனால் மயக்கமடைந்து விழுந்தேன். இதைப்பார்த்து அதிர்ச்சியடைந்த குடும்பத்தினர் என்னை ஆஸ்பத்திரியில் சேர்த்தனர். 4 மணி நேர சிகிச்சைக்கு பிறகு வீடு திரும்பி விட்டேன்.

சினிமா துறையில் எனக்கு ஏராளமான நண்பர்கள் இருக்கிறார்கள். யாரையும் நான் காதலிக்கவில்லை. எனக்கும், நடன இயக்குனர் ஒருவருக்கும் காதல் என்பதெல்லாம் உண்மை இல்லை. எனக்கும், டைரக்டர் ரவிக்குமாருக்கும் நிச்சயிக்கப்பட்டபடி அக்டோபர் மாதத்தில் திருமணம் நடைபெறும். இன்னும் தேதி முடிவாகவில்லை. முடிவானதும் பத்திரிகைகள், மீடியாக்களிடம் தெரிவிப்போம். அனைவரும் வந்து வாழ்த்துங்கள்.

நான் தற்போது டைரக்டர் சுந்தர்.சி இயக்கும் எம்.ஜி.ஆர். படத்தில் மட்டும் நடித்து வருகிறேன். அக்டோபர் மாதத்திற்குள் படப்பிடிப்பு முடிந்துவிடும். திருமணத்திற்கு பிறகு சினிமாவில் நடிக்க மாட்டேன்."

இவ்வாறு அவர் கூறினார்.


_________________
Eyestube | Publish Yourself
EyesTube | SPONSORED CONTENTS
avatar
சென்னை: நடிகை சுஜிபாலாவை மணக்க புதிய இயக்குநர் ரவிக்குமார் சம்மதம் தெரிவித்துள்ளார். எனவே திட்டமிட்டபடி திருச்செந்தூர் கோயிலில் திருமணம் நடக்கிறது.
நடிகை சுஜிபாலாவுக்கும், இயக்குனர் ரவிக்குமாருக்கும் ஏற்கனவே திருமணம் நிச்சயிக்கப்பட்டு விட்டது. திருச்செந்தூர் கோவிலில் நேற்று திருமணம் நடப்பதாக இருந்தது. ஆனால் திருமணத்துக்கு முந்தைய நாள் சுஜிபாலா திடீரென அதிகமான தூக்க மாத்திரைகள் தின்று மயங்கி விழுந்தார்.

அவரை நாகர்கோவிலில் உள்ள தனியார் மருத்துவமனையில் சேர்த்தனர். அங்கு தீவிர சிகிச்சை அளிக்கப்பட்டது. திருமணம் பிடிக்காமல்தான் சுஜிபாலா தற்கொலைக்கு முயன்றதாக கூறப்பட்டது.
இன்னும் சிலர் சுஜிபாலாவை மணக்க இயக்குனர் ரவிக்குமார் மறுத்து விட்டதால் மனம் உடைந்து தற்கொலைக்கு முயன்றார் என்று கூறினார்.

அதற்கு வலு சேர்ப்பது போல மருத்துவமனையில் இருந்த சுஜிபாலாவை ரவிக்குமார் நேரில் போய் உடல் நலம் கூட விசாரிக்கவில்லை. இருமாதங்களுக்கு முன் நிச்சயதார்த்தம் நடந்த போதும் பத்திரிகையாளர்களை அனுமதிக்கவில்லை. இந்த நிலையில் சுஜிபாலா சிகிச்சை முடிந்து நிருபர்களைச் சந்தித்தார்.

தான் தற்கொலைக்கு முயற்சிக்கவில்லை என்றும், தெரியாமல் மாத்திரைகளை சாப்பிட்டதால் மயங்கி விழுந்து விட்டதாகவும் கூறினார். "டைரக்டர் ரவிக்குமாருக்கும் எனக்கும் திருமணம் நிச்சயமாகி உள்ளது. எங்கள் திருமணம் அக்டோபரில் நடக்கும். திருமணத்துக்குப்பிறகு சினிமாவில் நடிக்க மாட்டேன்", என்றும் சுஜிபாலா கூறினார்.

இதற்கிடையே,சுஜிபாலாவை திருமணம் செய்து கொள்ள இயக்குனர் ரவிக்குமார் சம்மதம் தெரிவித்துவிட்டாராம். தனக்காக தூக்க மாத்திரை சாப்பிடும் அளவுக்குப் போன சுஜிபாலாவை திருமணம் செய்து கொள்ள முழு சம்மதம் என்று அவர் கூறியுள்ளாராம்.


_________________
Eyestube | Publish Yourself
EyesTube | SPONSORED CONTENTS

EyesTube | SPONSORED CONTENTS

RECOMMENDED CONTENT

RECOMMENDED CONTENT


RANDOM AD CONTAINER
Advertise Now!

LATEST TOPICS UPDATES


RANDOM AD CONTAINER
Advertise Now!